Prof Pieta, Wikus-hulle se buurman, het vir hom 'n huis in die Bosveld van die destydse Oos-Transvaal, nou Mpumalanga, voetstoots gekoop. Die huis is deel van Siwet, 'n vakansiedoprie, naby Hazyviewe en nie ver van die Kruger Wildtuin af nie. Trouens, Numbi-hek is maar enkele kilometer daarvandaan.
Ons het dikwels in Numbi-park gaan vakansiehou, maar omdat ek nie die bestaande dorpie se naam wou gebruik nie, het ek dit Siwet genoem. 'n Siwet is 'n klein katagtige nagdiertjie, die gee. Civettictis cevetta, wat tot die orde van Carnocora behoort.
Min het hulle geweet dat dekades gelede, met die goudstormloop, het 'n pa en sy seun, Gotlieb en Joachim van Zijl, met Joachim se mak siwet, oor daardie gebied na Pelgrimsrus gereis. Joachim het malaria opgedoen en gesterf. Sy troeteldiertjie het hom doodgetreur. Gotlieb was vyftien toe hy oorlede is en nou jaag sy afgestorwe gees, 'n skaduwee, al die jong seuns weg.
Lees gerus Skaduwee op Siwet in Omnibus 3 om uit te vind hoe Wikus die poltergees tot rus laat kom.
In Geheim van Groukatlaagte was daar 'n spookperd; in Stem in die Trommel was daar 'n spookseemeeu en in Skaduwee op Siwet is daar 'n spooksiwet.
No comments:
Post a Comment