Die Stem in die Trommel

Ek het gedink dat Die Geheim van Groukatlaagte gaan en eerste en enigste spookstories wees, maar toe vra Human en Rousseau my om 'n reeks spookstories te skryf. Die tweede titel in die reeks Gedaantes en Geraamtes, is Stem in die Trommel en speel af op Jongensfontein aan die Suid-Kaap.  Nadat ons op Jongensfontein gaan vakansiehou het, het ek Die Stem in die Trommel geskryf.

Nadat ek so 'n bietjie navorsing oor die skeepswrakke van Suider-Afrika in ons plaaslike biblioteek gedoen het, het ek op die volgende stukkie waardevolle ingligting in Shipwrecks and Salvage in South Africa afgekom. Die Soares-wrak van 1505 was eerste aangetekende skip aan die Kaapse kus teen die rotste geloop het. Al wat van die wrak oorgebly het, was 'n geraamte en 'n mas. En dáár besluit ek om dit as vertrekpunt van my tweede spookstorie te maak. Ek gebruik toe my skrywersvryheid en laat die skeepstrommel met die getye en seestrome meegesleur word tot waar die tussen die rotse anderkant die Aasbankies, wat net met springgety sigbaar is, vassit. En wie anders as Wikus sal die trommel raaksien?

 

Dit het egter nog méér navoring geverg. Kortliks die geskiedenis agter die skeepswrak. De Mendonca was kaptein van die karveel wat in 1504 saam met 'n vloot van dertien Portugese vaartuie onder aanvoering van Lopo Soares d'Albergaria vanaf Lissabon op 'n ekspedisie na Kalikoet vertrek om dit te gaan bombardeer. In 1505 is hulle terug na Lissabon, maar in die nag van 22 April, het De Mendonca se skip op die rotse net wes van Mosselbaai gestrand.

Toe duik daar verdere vrae op. Wat was in die skeepstrommel?  En waarom?

Stem in die Trommel is in 2007 as die tweede spookstorie Gedaantes en Geraamtes Omnibus 1 opgeneem. Lees gerus Omnibus  1 en vind uit!